第十二天，2013-08-22，星期四： Reykjavik > Kulusuk, Greenland  - Part 1 (天晴)。

今早坐10點05分機去格陵蘭，所以一早7：30 離開Summerhouse，出發往Reykjavik內陸機場。未夠9時就到達，機場門口有停車位唔駛錢任泊，非常好。係機場check-in完就開餐，三明治早餐！呢個內陸機場好簡陋，無他，只係飛去冰島3個大城市、3個小城市（其實都係好小嘅鎮仔）、Faroe Islands和格陵蘭的5個城市，講講下都唔少咁喎。

（內陸機場，好大風，假髮都會吹Luc。)

我地諗住有D交帶，因為Summerhouse屋主唔多識英文，我地又唔識冰島文，所以係機場以英文交談搵左個華藉冰島少女（機場雜貨店售貨員）用冰島文打電話比屋主講聲我地已經離開，點知屋主以為我地整爛D咩，重同售貨員雞啄唔斷咁講左好長時間，好攪笑。好啦，終於上機啦，係螺旋槳細飛機，之前坐過好多啦，唔驚。我地坐Iceland Air，飛機有食物、飲料，比起由芬蘭來冰島個程咩都無好好多啊，不過Iceland Air遲D都不再提供啦，因為佢地做緊問卷調查，內容係話唔再提供食物！

（牛角飽，朱古力，我選了Diet Coke一罐!)

（吹到頭Fing Fing!)

坐左約3個小時機就到達，沿途無娛樂訓覺居多。Kulusuk機場更加簡陋，掂行掂出就出左機場啦。我地Book左係Greenland Kulusuk酒店住一晚，包今天中午、今晚晚餐、明早早餐三餐，比起即日來回係左貴D，但包住包3餐覺得貴些少又好似好底喎，一來唔駛趕頭趕命，又可以多D時間拍照憂悠行，雖然沒有Day tour的領隊介紹，又無愛斯基摩老人打鼓表現（不過好多旅遊書都說可觀性很底），但是後來發覺原來Greenland的自然風景很美，半夜重看見極光添，賺晒啦， 所以覺得超值喎！（成個旅程我最喜愛格陵蘭啦，比冰島更天然、更方荒涼，My favorite，不過我D同事仔話好似荒蕪過頭唔多like喎，各有所好啦！）

( Kulusuk機場雖然簡陋，但都有D野睇下，例如北極熊皮。）

（我最喜愛大自然！）

寫住咁多先，今天行程重有Part 2。

第十一天，2013-08-21，星期三： Golden Circle: Pingvellir > Geysir > Gullfoss  (風大雨大)

諗住住2日，洗下衫啦，兼且昨天咁好天，點知尋晚半夜開始下雨，D衫濕晒，慘！今朝繼續食香港帶來嘅物資做早餐，之後就衝著風雨天出發。

（尋晚好好天㗎，重影到月亮添。）

今日好大雨，金圈之旅去邊個先好呢？因為路程差不多，最後決定了先去Pingvellir National Park。此處對冰島人來說很具意義啊，因為據說於公元930年，全球第一個民主國會就係係呢處成立嘅。重有就係係呢度可以見證到美洲版塊與歐洲版塊每年以2.5cm分離的情況。冰島確實是不斷地被撕列成2半，一半美洲，一半歐洲，好驚嚇！今天超大雨大風，再加上凍，本來很短路程都用上了很多氣力，上到山頂，重好似香港掛十號風球咁大風添，咩雨衣、Goretex衫褲都好似無咩用咁，濕晒，由外至內，總之好唔舒服。參觀完Pingvellir Church，就打道回車走人。

（大雨到濛濛瀧瀧。）

（山崖就是美洲版塊啦吧！）

去下一個點前，去左油站N1快餐廳醫肚，下一個點就係Geysir Hot Spring Area嘞 。早知去到Greysir先食啦，個度有間個樣好正嘅餐廳呢！ 去到呢處停左雨，只有毛毛雨喎，真好。非常多人都係Strokkur旁等呢個間歇泉爆發啊，因為Lonely planet話佢係全球最可靠嘅，等6﹣8分鐘就等到佢爆㗎啦，而且都噴到有15米高添㗎，相比起多年前去黃石公園等Old Faithful爆發，快好多又有保證，兼且可以影多好多次相，超讚！（呀，記起有個景象超驚嚇，有個2﹣3歲鬼仔穿過圍欄跑左入去個間歇泉，好彩佢呀媽都算執得佢快，唔係真係大大獲啦！）

（都噴得幾高吓！）

離開Greysir area就一直開去Gullfoss啦，又開始落雨啦，今次係又細密又大風嘅四方亂飄嘅風雨，總之係無可能擔庶著雨衣又濕晒個種啦，塊面都濕鬼晒！Gullfoss又係一個非常大型嘅瀑布，遠看成架大空飛船咁，都好特別。呀，冰島真係好多瀑布，流了幾萬、幾千定幾百年呢？究景呢個全球第三大冰帽D冰又重可以頂多幾多百、千、萬年呢！？

（我覺得似太空船呵！）

今晚反Summerhouse嘆牛仔骨，飲Viking啤，正。不過要浪趕D衫先！明天要起飛。

第十天，2013-08-20，星期二： Vik ＞ Laugarvatn (天晴)

今早起身，又係大晴天，正！入住Pakgail，有點與世隔絕感覺， 清晨空氣很清新，人家還把枱椅從小木屋搬出來作早餐，我地繼續香港公仔麵攪拈。

(見唔見人地野餐早餐呢，和暖陽光晒住，真係幾寫意嘅。）

睇lonely Planet，介紹一條222公路去冰川口，要行5公里的爛路，我地試行左未夠一半就放棄啦，㗎車頂唔順，隨時跪低咁款，只好調頭算啦，不過走前都係雪山面前影左D相補數，唔駛白走一趟。

（傻佬與冰山。）

下一站就去左Skogar參觀62米高的Skogafoss瀑布啦，我地傻傻地，居然係處留左大半日，不停影瀑布呀、彩紅呀咁囉，瀑布底又影一餐，上去瀑布頂又影一大餐，咁順便當然有野餐（即午餐）埋啦，呢D就係自由行嘅好處來嘞，喜歡留幾長時間都得呀嘛，悶親有D團友仔就係度講聲唔好意思啦。

（瀑布底影一餐。）

（瀑布頂又影一餐。喂，有無少少似賣5D3嘅廣告呀，當然人地Model好睇D啦！）

之後開車走，約下午5時去到Selfoss小鎮，立即飛奔去銀行，打算多唱點冰島克朗，不過幾間都準時關了門，人影都無，烏燈黑火，職員真開心！後來找了一家有人，不過謝絕辦公，遊容都無得傾。算，轉去Bonus買野，咦！Bonus可以收歐羅喎，最後都唱到點冰島克朗用，夠晒用啦。

（呢隻BONUS豬，雖然樣衰衰咁，我地周不時都要幫襯，）

係Selfoss的information center，請他們聯絡今晚入住嘅屋主，咦，條門匙放左係一個特別地方啊，大家尋寶吧。Information Center姐姐介紹我地去Kerio參觀火山口，順路，好，去啦。原來係一個有6500年的火山口來的，不過要收費啊，都算啦，一場來到。行了個圈，又可以下去個綠色火山口湖參觀，都好。

（感受一一卜大自然的歷史。）

今天晚入住的Hanholl Summerhouse是我們第一次連住兩天的地方啊，有Hot Tub，正，間屋好大，可以住晒我地九個人，不過塵多了點，有D燈壞左添，屋主應該好少打埋。

（屋大，我們9人，夠住！）

第九天，2013-08-19，星期一： Hofn ＞ Vik (天晴＞大雨＞轉晴)

一大清早起床，今天天朗氣清，超級大好天，藍天少雲，超正！不過今早住宿不包早餐，食香港帶來的公仔麵又一餐，無問題！ 再次經過Jokulsarlon，咁好天，影多次相先，海天一色呢！

（海天一色，真㗎！）

（跳得好核突，核突中嘅核突！）

下一站skaftafell （Vatnajokull National Park - South），今天決定行冰川，開車約1小時後到達Skaftfell，馬上報名參加最容易的冰川團，2小時的行程8歲都可應付呀嘛，不過中午、1點多都只剩幾個位，最快要到下午3：30先有位，可能我地人多啦，早知一早上網訂定先啦。無所謂，照book，唔係無埋重慘。訂完後，起行去看Svartifoss瀑布，來回共1.5小時，我地拍照迷，一定超時。初頭上山一段少少辛苦，過左山頭就看見了瀑布，都幾靚喎，行山又可強身健體，都值嘅。

（出發行山啦，精神D！）

（似唔似Postcard呢？）

影左一大餐就回去visitor center野餐當中午飯，食食下突然落起大雨，嘩，落一陣好啦，陣間行冰川落雨好麻煩呢！食完重有時間剩，係visitor center參觀下，都幾多野睇。不一會，就夠鐘出發去行冰川啦，好興奮，好開心呢！領隊導遊是一名大學生，做暑期工嘅，好高又靚，印象中見到過嘅冰島人都高大瘦靚，唔通我已變成只記得D好野？弊啦！此冰川黑色嘅，原因係冰島經常有火山爆發，佈滿火山灰。都幾特別嘅，不過之前係新西蘭坐直升機去既睇白白冰川，靚D喎！

（出發行冰川，要著冰鞋先！）

（呢位團友唔聽書，平時上課千祈唔好啦！）

（冰川黑麻麻，冰底係藍既，用冰斧開採後，試食左呢D有幾百萬年歲嘅冰雪！）

（啊靚女領隊，我印象中高過你喎，你係咪踩住塊高嘅冰呢？）

不經不覺2小時既冰川遊就完結（其實行沒有2小時，計埋坐車去冰川口才有吧），回到Visitor Center就開車離開去今晚的住宿點 Pakgail Cabin。我居然選了此處給人家登山落腳的地點而唔入鎮去Vik，真係辛苦了朋友姐夫（開車）和各團友，因為段路都幾爛下，呢14公里路都幾難捱，不過沿路係幾靚嘅，算啦，睇靚景係要辛苦DD㗎啦。今晚住宿有獨立洗手間、廚房，不過最慘係公共浴室，兼且得一個，好彩無咩人用啫。今晚繼續煮飯仔，肉醬意粉。

（風景都幾靚㗎，不過辛苦了朋友姐夫，車路爛了點！）

第九天，2013-08-19，星期一： Hofn ＞ Vik (天晴＞大雨＞轉晴)

一大清早起床，今天天朗氣清，超級大好天，藍天少雲，超正！不過今早住宿不包早餐，食香港帶來的公仔麵又一餐，無問題！ 再次經過Jokulsarlon，咁好天，影多次相先，海天一色呢！

(海天一色，真㗎！咁好天出海，你地就正啦！）

（今次跳得最核突，核突中嘅核突！）

下一站skaftafell （Vatnajokull National Park - South），今天決定行冰川，開車約1小時後到達Skaftfell，馬上報名參加最容易的冰川團，2小時的行程8歲都可應付呀麻，不過 中午、1點多都只剩幾個位，最快要到下午3：30先有位，可能我地人多啦，早知一早上網訂定先啦。無所謂，照book，唔係無埋重慘。訂完後，起行去看Svartifoss瀑布，來回共1.5小時，我地拍照迷，一定超時。初頭上山一段少少辛苦，過左山頭就看見了瀑布，都幾靚喎，行山又可強身健體，都值嘅。

（出發行山啦，精神D啦！）

（似Postcard嗎？）

影左一大餐就回去visitor center野餐當中午飯，食食下突然落起大雨，嘩，落一陣好啦，陣間行冰川落雨好麻煩呢！食完重有時間剩，係visitor center參觀下，都幾多野睇。不一會，就夠鐘出發去行冰川啦，好興奮，好開心呢！領隊導遊是一名大學生，做暑期工嘅，好高又靚，印象中見到過嘅冰島人都高大瘦靚，唔通我已變成只記得D好野？弊啦！此冰川黑色嘅，原因係冰島經常有火山爆發，佈滿火山灰。都幾特別嘅，不過之前係新西蘭坐直升機去睇既白白冰川，靚D喎！

（出發行冰川，要先著好冰鞋啊！）

（呢位團友唔專心聽書，平時上堂千祈唔好啦！）

（冰川黑蚊蚊，不過冰層下好藍嘅，大家都食左D冰呢！）

（冰山合照！）

（啊靚女領隊，印象中我高過您喎，點解咁㗎？一定係你腳下塊冰高D！）

不經不覺2小時既冰川遊就完結（其實行沒有2小時，計埋坐車去冰川口才有吧），回到Visitor Center就開車離開去今晚的住宿點 Pakgail Cabin。我居然選了此處給人家登山落腳的地點而唔入鎮去Vik，真係辛苦了司機和各團友，因為段路都幾爛下，呢14公里路都幾難捱，不過沿路係超級靚嘅，算啦，睇靚景係要辛苦DD㗎啦，有獨立洗手間不過最慘係公共浴室，兼且得一個，好彩無咩人用啫。今晚繼續煮飯仔，肉醬意粉。

第八天，2013-08-18，星期日： Skalanes -> Hofn  (天晴有雲)

六時三十分起床，目標是要再往山崖看看能否有幸看見Puffin，不過再次失望而回。好，收拾心情，化失望為食量，來一個豐富早餐才離開。約9時，Oli和他太太一起出動，開2家車送我們回昨天的停車點，臨別時當然要拍張大合照啦，多謝你們熱情的款待啊（要錢的）。

(食多幾片肉先！右上角個件Muffin似的物體就好硬好難哽嘞。）

（大合照！）

沿著昨天的路，先經過Seydisjordur，再去Egilsstadir到入下油（收錢的人是來自上海的一位女仕，跟我講普通話，異地遇中國人都有一份親切感的）。沿1號公號往南走，通過939號快徑，下一目地的是Djupivogur，途經的山脈很壯觀！來到Djupivogur，原來此小鎮獲取了慢城運動的美譽啊(Cittaslow Town)，怪不得連超市都唔開門啦。可能因為咁，好多旅遊大巴一車一車乘客咁來搵食喎，好熱鬧呢！餐廳都堆滿了人，一D都唔配個Cittaslow的感覺嘅，咁難搵食，唯有食埋自己D物資當午餐算罷嘞。

（被冰川洗禮的山谷。）

（呢度唔記得左邊添。）

下一站去Hofn的超市入貨，買食物後就往今晚入住的Gerdi Cabin check-in，放下行李，就開車13公里去參觀聞名以久的Jokulsarlon看浮冰去囉！一到達，好靚啊，冰山都浮在海面上，又有很多北極燕鷗在插水捕魚，又有海獅遊來遊去，游上冰上休息，又有遊船出海看更大的冰山，做邊樣先好呢？影左一輪相後，決定全體坐遊船出海，近一點看冰山和冰山吧。

（冰川、冰山、冰湖咩都有！）

（魚眼View!)

眼前看見好似冰河世紀嘅景，原來都未夠80年歷史，不過由於海水加快了冰山融解，冰川後退速度快速，雖然冰湖卻因此漸漸變大，不過最後可能無咩冰山㗎啦，所以有機會就要快去D來睇下啦！坐完船，再拍下照，天色漸暗，就返今晚住的地方煮食啦。在Kitchen遇見2個高大義大利人準備晚餐，好似整意粉喎，唔知係咪好正宗嘅呢？他們來冰島十多天旅行，由首都向東玩冰島南面，全程踏單車和露營，很艱苦呢！話時話， 南面有很多年輕人，三五成群，有男有女，在路上兜截順風車喎，怕且成功率都好低嘞！

(入住Gerdi，有獨立浴室，也不錯，廚房就公用啦！）

（今晚龍蝦、雞翼、椰菜烏東，意大利人問係咩東東？）

第七天，2013-08-17，星期六： Husavik -> Skalanes (天陰下雨)

今天Guesthouse有提供早餐，都係D基本食物啦，通通放係Kitchen以自助早餐形式食進行 。離開Guesthouse，我們一家先去了鯨魚博物館參觀（10歲以下小孩免費）， 因為昨天觀鯨回來後已關門 ，小兒又十分喜歡看。 

（包基本早餐。）

今天路程很長，一路風景也不錯，不過只是一直天陰有雨。差不多3個小時才到達下一個小鎮Egilsstadir，我們沒有逗留，攀個一個山後直達Seydisjfordur ，途中山頂很大霧，看見了少塊少塊未融的冰川和高山湖。今天晚上入住的Skalanes要再在由Seydisfjordur東走19公里才到達，並且要過3次小溪，我地架車咁嘅質素，所以一早通知了屋主來接送啦，IKR4000 x 2(九人分2次，包來回)。

（山上面大霧到呢～～～！）

Lonely Planet說如果只在冰島東邊參觀一個地方，就一定是富美景的Seydisfjordur，說得也不錯，不過今天下雨刮風超級的冷，在街上也不想多逗留。此Town雖然小，我們卻找了一會才找到想要去的Skaftfell Cultural Centre進食午餐。此酒吧很暢旺，但只有一位待應，雖然見她非常忙，還是麻煩了她幫忙電聯了Skalanes的屋主，準備去接我們過河。

（真的很冷！影完火速返回餐廳啦！）

（午餐也很豐富吧！）

午餐後，先往出名的藍色小教堂參觀和拍照，再出發往Skalanes。走了一段巔岥山路後，到達小溪旁，好彩叫了主人來接我們，否則我地架錢七一定拋錨，不一會，主人Oli開著Toyota Land Cruiser過來，小孩都爭著要坐車頭，因為真的要過3次小溪呢，大定都好興𡚒啊！Skalanes是一個自然生態的住所，通常會招待業餘科學家，大中小學生團體，考古學家都有呢！當然也有我們這些遊客吧，賺錢啊。其實，這樣比較偏遠的地方，並沒有什麼特別的觀光點，但是對喜愛大自然的人，我相信會很享受的。

（堅過河嘅，我地㗎車應該唔得囉！）

（我地住深紅色那間，夠唔夠Isolated先？探子匯報燈色那家是放酒的啊！）

到達小屋後，Oli請我們當成自己家一樣即可，好啊，可以扮下冰島屋民呢！放下行李後，就沿著小徑走約10多分鐘往山涯岩壁去，因為很想看Puffin啊！不過，主人已預先告知Puffin在這季節，一般要在中午十二時才回來，停留山涯上休息，那時才有機會看見，其他時間都會帶離雛鳥出海覓食去。由於我們去時已經差不多4點，所以一如所料未能看見Puffin，只能看見很多不同品種的海鷗，好失望呢（外國朋友還說笑說Very Sad！)!

(看不見Puffin，好失望呢！）

（不過海鷗就很多啊！）

晚上7:30 Oli已準備好豐富的晚餐，他說是冰島人的一般煮法啊 ，還有甜品，份量很大，吃得我們都非常飽足。飯後天還亮（9時半才開始入黑）， 坐在舒適的大廳，九人有吃有笑，有時看看書，有時又跟主人和他的太太閒談幾句，既輕鬆又舒服，真的有點在冰島家庭生活的感覺呢。太太說前幾天晚上看見過極光，大家本來很興奮的，不過舉頭看見烏雲滿佈，沒可能看見的了，大家吃飽、說飽、嘆夠就早早去睡吧。

（晚餐，有肉，薯蓉，疏菜，好味！）

（今天共有十三人晚餐，後來還有一對男仕加入。）

（甜品也很好味啊！）